BALANCE | ՆՈՐՈՒԹՅՈՒՆՆԵՐ

Ովքեր և երբ պետք է 2023թ-ի հաշվետու տարվա համար ներկայացնեն Եկամտային հարկի տարեկան հայտարարագրեր

Եկամտային հարկի տարեկան հայտարարագրեր ներկայացնում են ՀՀ ռեզիդենտ հանդիսացող ՀՀ քաղաքացիները մինչև յուրաքանչյուր հաշվետու տարվան հաջորդող հարկային տարվա մայիսի 1-ը ներառյալ։

Ֆիզիկական անձանց կողմից եկամտային հարկի տարեկան հայտարարագրերը ներկայացվում են հետևյալ ժամկետներում.

1) 2023թ. հաշվետու տարվա համար՝

ա. 2023թ. դեկտեմբերի 31-ի դրությամբ «Հանրային ծառայության մասին» ՀՀ օրենքով սահմանված պետական ծառայության, համայնքային ծառայության և (կամ) հանրային պաշտոններ զբաղեցնող ՀՀ քաղաքացիները,

բ. ՀՀ ռեզիդենտ հանդիսացող ՀՀ քաղաքացիները, որոնք 2023թ. դեկտեմբերի 31-ի դրությամբ հանդիսանում են (հանդիսացել են) 2022թ. արդյունքներով մեկ միլիարդ դրամ և ավելի համախառն եկամուտ հայտարարագրած ՀՀ ռեզիդենտ առևտրային կազմակերպության մասնակից (բաժնետեր, փայատեր, անդամ),

գ. ՀՀ ռեզիդենտ հանդիսացող ՀՀ քաղաքացիները, որոնք «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված իրական շահառու են համարվում,

դ. ՀՀ ռեզիդենտ հանդիսացող ՀՀ քաղաքացիները, որոնք 2023թ. ընթացքում ստացել են 20 միլիոն դրամի չափով կամ ավելի փոխառություն: